როგორ ავარჩიოთ მშენებარე ბინები ლისზე: მთავარი კრიტერიუმები

ბინების არჩევის პროცესში ყურადღებას უამრავი დეტალი იმსახურებს: ლოკაცია, სამშენებლო მასალების ხარისხი, დაგეგმარება, ინფრასტრუქტურა და უსაფრთხოების სტანდარტები მხოლოდ ნაწილია იმ კრიტერიუმებისა, რომლებიც საბოლოო გადაწყვეტილებაზე პირდაპირ გავლენას ახდენს და რომელთა გათვალისწინებაც განსაკუთრებით მნიშვნელოვანია მაშინ, როცა საქმე მშენებარე ბინას ეხება, რადგან ამ შემთხვევაში რეალური სურათი მხოლოდ პროექტის დასრულების შემდეგ ჩანს.

ლისის მიმდებარე ტერიტორია ბოლო წლებში აქტიურად ვითარდება და არაერთი ახალი საცხოვრებელი კომპლექსი შენდება. კონკურენცია იზრდება, არჩევანიც ფართოვდება, თუმცა ამავე დროს იზრდება რისკებიც. 

ამ ბლოგში ვისაუბრებთ, თუ როგორ უნდა შევარჩიოთ  მშენებარე ბინები ლისზე - რა უნდა ვიცოდეთ პროექტის დაწყებამდე, როგორ შევაფასოთ შემოთავაზებები და როგორ ავიცილოთ თავიდან არასასურველი სიურპრიზები.

მშენებლობის ეტაპი და რისკები

მშენებარე ბინის შეძენა უნიკალურ შესაძლებლობას ქმნის  - ხშირად უფრო ხელსაყრელი ფასით, მოქნილი დაგეგმარებითა და თანამედროვე სტანდარტებით, თუმცა იმისთვის რომ ეს შესაძლებლობა რეალურად ღირებული გახდეს, მნიშვნელოვანია მყიდველმა ზუსტად იცოდეს, რა ეტაპზეა პროექტი და როგორია მისი განვითარების გეგმა. 

გადაწყვეტილების მიღებამდე, სასურველია მყიდველი გაეცნოს პროექტის დოკუმენტაციას: მშენებლობის ნებართვას, ვადების გრაფიკს, ხელშეკრულების პირობებს. მნიშვნელოვანია გადახდის მოდელიც - ეტაპობრივი დაფარვა მშენებლობის პროგრესის შესაბამისად, როგორც წესი, მყიდველისთვის უფრო ხელსაყრელი ვარიანტია. ამასთან ერთად, გამჭვირვალე პროცესი და დეტალური ინფორმაცია აძლიერებს ნდობის ხარისხს და ამცირებს გაურკვევლობას, რაც საბოლოოდ ორივე მხარისთვის წარმატებული თანამშრომლობის საფუძველს ქმნის.

ლოკაციის სპეციფიკა და ინფრასტრუქტურა

ბინის არჩევისას ერთ-ერთი ყველაზე გადამწყვეტი ფაქტორია ლოკაცია, რომელიც განსაზღვრავს როგორც ყოველდღიურ კომფორტს, ისე უძრავი ქონების სამომავლო ღირებულებას. ლისის მიმდებარე ტერიტორია ამ მხრივ საინტერესო არჩევანია: ბუნებრივი გარემო, სუფთა ჰაერი და რეკრეაციული ზონების სიმრავლე, ოპტიმალურ საცხოვრებელ პირობებს ქმნის.  

ინფრასტრუქტურის შეფასებისას ყურადღება უნდა მიექცეს საზოგადოებრივი ტრანსპორტის ხელმისაწვდომობას, სკოლების, საბავშვო ბაღებისა და სავაჭრო ობიექტების მდებარეობას. მნიშვნელოვანია, რომ საცხოვრებელი კომპლექსი არ იყოს იზოლირებული - მყიდველმა უნდა შეაფასოს, რამდენად მარტივია გადაადგილება, როგორია გზების მდგომარეობა და რამდენად განვითარებულია გარშემო ტერიტორია. 

სამშენებლო მასალები და სტანდარტები

მშენებარე ბინის ხარისხი დიდწილად დამოკიდებულია იმ მასალებსა და ტექნოლოგიებზე, რომლებიც პროექტის განხორციელებისას გამოიყენება. თბოიზოლაცია, ხმის იზოლაცია, ენერგოეფექტურობა - სწორედ ის ელემენტებია, რომლებსაც უძრავი ქონების შენახვის ხარჯებზე პირდაპირი გავლენა აქვს. 

მყიდველმა აუცილებლად უნდა მოითხოვოს ინფორმაცია სამშენებლო მასალების შესახებ: რა ტიპის ბლოკებია გამოყენებული, რა სერტიფიკატები აქვს პროექტს და შეესაბამება თუ არა ის მოქმედ სამშენებლო რეგულაციებს. მნიშვნელოვანია, რომ დეველოპერი გამჭვირვალედ წარმოაჩენდეს ტექნიკურ დეტალებს,  რათა მყიდველს საშუალებას ჰქონდეს გონივრულად შეაფასოს, რამდენად ხარისხიანია ბინა და რამდენად გრძელვადიანია მისი საინვესტიციო პოტენციალი. 

დაგეგმარება და სივრცის ოპტიმალური გადანაწილება

მშენებარე ბინის შერჩევის ერთ-ერთი დიდი უპირატესობა სწორედ ისაა, რომ მყიდველს ხშირად ეძლევა შესაძლებლობა, სივრცის დაგეგმარებაში აქტიურად ჩაერთოს. ეს ნიშნავს, რომ ბინის შიდა განლაგება - ოთახების რაოდენობა, მათი პროპორციები, აივნის ზომა  და ა.შ.  შეიძლება წინასწარ შეთანხმდეს დეველოპერთან და მაქსიმალურად მოერგოს მყიდველის ცხოვრების სტილს.

თანამედროვე პროექტებში ხშირად არის გათვალისწინებული მრავალფეროვანი საჭიროებები (მათ შორის: სამუშაო კუთხე, სათავსოები, კომბინირებული ზონები), რაც ბინის მფლობელს საშუალებას აძლევს, სივრცე მაქსიმალურად ეფექტურად გამოიყენოს. გარდა ამისა, ყურადღება უნდა მიექცეს ფანჯრების მდებარეობას, მზის მიმართულებას, ოთახებს შორის კავშირს და სხვ.

ფასი, განვადება და რეალური პირობები

ზემოთ ჩამოთვლილთან ერთად, არანაკლებ მნიშვნელოვანი ეტაპია ფასის შეფასება. ლისის ტერიტორიაზე კვადრატული მეტრის ღირებულება შეიძლება განსხვავდებოდეს პროექტის მდებარეობის, ხარისხის, სართულისა და ხედის მიხედვით. აქედან გამომდინარე, მყიდველმა უნდა შეადაროს სხვადასხვა შეთავაზება არა მხოლოდ ღირებულებით, არამედ იმითაც, თუ რას იღებს ამ ფასში.

გადაწყვეტილების მიღების პროცესში დიდ როლს თამაშობს გადახდის პირობებიც. დაინტერესებულ პირებს დეველოპერები ხშირად სთავაზობენ როგორც საბანკო განვადებას, ისე შიდა გადახდის გრაფიკებს, რაც მყიდველს საშუალებას აძლევს, ბიუჯეტი სწორად და ეფექტურად  დაგეგმოს. აქვე მნიშვნელოვანია, რომ ეს პირობები იყოს გამჭვირვალე, წინასწარ განსაზღვრული და თითოეული ადამიანის ფინანსურ შესაძლებლობებზე მორგებული.

რატომ უნდა შეიძინოთ ,,ქრონომეტრის’’ უძრავი ქონება ლისზე?

უძრავი ქონება ლისზე დღეს ერთ-ერთი ყველაზე პერსპექტიული ინვესტიციაა თბილისში. „ქრონომეტრის’’ პროექტი კი ამ ტერიტორიაზე გამორჩეულად პოზიციონირდება როგორც კომფორტული, თანამედროვე და ინოვაციური საცხოვრებელი კომპლექსი, რომელიც მაღალი ხარისხის სამშენებლო სტანდარტებს, უსაფრთხო გარემოსა და სრულყოფილ ინფრასტრუქტურას აერთიანებს. 

გარდა მაღალი ხარისხისა და ინფრასტრუქტურული გამართულობისა, „ქრონომეტრის’’ ბინები ლისზე შექმნილია თანამედროვე ცხოვრების სტილის გათვალისწინებით, რაც მას ამ ტერიტორიაზე არსებული სხვა პროექტებისგან მნიშვნელოვნად გამოარჩევს.